"საქართველოს ბანკი" და "Viza international” მომხმარებელს ფეხბურთის 2010 წლის მსოფლიო ჩემპიონატზე დასწრების შესაძლებლობას აძლევენ

"საქართველოს ბანკი" და “Viza international" მომხმარებელს ფეხბურთის 2010 წლის მსოფლიო ჩემპიონატზე დასწრების შესაძლებლობას აძლევენ. როგორც პრესკონფერენციაზე "საქართველოს ბანკის" კომერციულმა დირექტორმა გიორგი ბარკალაიამ განაცხადა, "საქართველოს ბანკი" "Viza international"-თან ერთად ახალ პროექტს იწყებს, რომლის ფარგლებშიც სპეციალურად ახალი, Viza ელეცტრონ-ის ტიპის ბარათი Viza FIFA Card  შემუშავდა. "Viza FIFA Card"-ის მიღება მომხმარებელს 5 მარტიდან 5 მაისამდე შეუძლია. პროექტში სულ 100 გამარჯვებული გამოვლინდება, ხოლო ის, ვინც აღნიშნულ ბარათს  სავაჭრო და მომსახურების ობიექტებში ყველაზე ხშირად მოიხმარს და მინიმუმ, ოცი ლარის მოცულობის ტრანზაქციას განახორციელებს, სუპერპრიზს -ფეხბურთის 2010 წლის მსოფლიო ჩემპიონატის გადამწყვეტ მატჩზე დასასწრებ ორ ბილეთს მიიღებს", - განაცხადა ბარკალაიამ. ამასთან, მისივე თქმით, დანარჩენი 99 გამარჯვებული FIFA-ს 2010 წლის მსოფლიო ჩემპიონატის ოფიციალური მაისურითა და ბურთით დაჯილდოვდება. ცნობისთვის, "Viza FIFA Card"-ის გამოყენება ყველა ძირითადი საბანკო ოპერაციის განხორციელებისთვის არის შესაძლებელი. ამასთან,  მომხმარებელს შესაძლებლობა აქვს, "Viza FIFA" ბარათის ორი სხვადასხვა დიზაინიდან ერთ-ერთი აირჩიოს.

www.pirveli.com.ge