საქართველოს ეროვნული ბანკის სავალუტო აუქციონზე 5 000 000 აშშ დოლარი გაიყიდა. როგორც "პირWელს" საქართველოს ეროვნული ბანკიდან აცნობეს, აუქციონზე საშუალო შეწონილმა გაცვლითმა კურსმა 1.7408 ლარი შეადგინა.

20 თებერვალს "საქართველოს ბანკის" "American Express"-ის ჯაზის სეზონი  ფრენკ მაქკომბის ტრიომ გახსნა. "საქართველოს ბანკის" "American Express”-ის ჯაზის სერიის გენერალური სპონსორი "საქართველოს ბანკის" "American Express" ბარათია, რომლის მხარდაჭერის შედეგად ბილეთების სპეციალური ფასი 80 ლარი იქნება, ხოლო ის, ვინც ანგარიშსწორებას "American Express"-ით მოახდენს, ბილეთს ექსკლუზიურ ფასად - 60 ლარად შეიძენს

კომპანია "ყაზბეგის" პრეზიდენტი გოგი თოფაძე ერაყში მიიწვიეს. როგორც "პირWელს" "ყაზბეგიდან" აცნობეს, ერაყის ქურთისტანის რეგიონული მთავრობის მიწვევით თოფაძე დღეს ქალაქ ერბილში გაემგზავრა, სადაც ადგილობრივ მთავრობას ლუდისა და გამაგრილებელი სასმელების წარმოების შესახებ კონსულტაციებს გაუწევს.

კომპანია "სოკარმა"  თბილისში, გურამიშვილის გამზირზე ახალი ავტოგასამართი სადგური გახსნა.  ახალი ავტოგასამართი სადგურები ბორჯომსა და დაფნარშიც გაიხსნა. "სოკარის" წარმომადგენლების განცხადებით, კომპანია 2010 წელს საქართველის ეკონომიკაში ახალი ინვესტიციების ჩადებით იწყებს.

2011 წელს "სოკარი" საქართველოში მასშტაბური ობიექტის მშენებლობას დაასრულებს.
2011 წელს კომპანია "სოკარი" საქართველოში ნავთობბაზის მშენებლობის დასრულებას გეგმავს. ობიექტი, თბილისის საერთაშორისო აეროპორტის მახლობლად, ქიზიყის ქუჩაზე იქნება განლაგებული. აღნიშნული ობიექტის მშენებლობისთვის კომპანიამ 2008 წელს ხუთი ჰექტარი მიწა შეიძინა, რომლის ღირებულებამ დაახლოებით სამი მილიონი აშშ დოლარი შეადგინა.

"სახალხო ბანკმა" კაპიტალი 25.8 მლნ ლარით გაზარდა. როგორც "პირWელს" "სახალხო ბანკიდან" აცნობეს,   ბანკმა  ახალი ჩვეულებრივი აქციების ემისიის შესახებ განაცხადა. "სააქციო კაპიტალის გაზრდით ბანკის ბალანსი გაუმჯობესდა და მეტი აქციონერი შემოგვემატა.

"ვისოლის" ქსელში არსებულ ექვსივე სახეობის ნავთობპროდუქტზე  ფასები 5 თეთრით დაიწევს.
"ვისოლის" სამეთვალყურეო საბჭოს თავმჯდომარის სოსო ფხაკაძის განცხადებით, კომპანია პირობას ასრულებს და "ვისოლის" ქსელში ყველა ტიპის საწვავზე ფასებს 5 თეთრით ამცირებს. "საწვავზე ფასის დაწევის  საშუალებას დღეისათვის ლარის კურსის სტაბილურობა გვაძლევს.

ბანკმა "რესპუბლიკამ" თავისუფლების მოედანზე  ახალი ფილიალი გახსნა. როგორც "პირWელს" ბანკიდან აცნობეს, მიმდინარე წელს ბანკი "რესპუბლიკა" თვეში ერთხელ ერთ ახალ ფილიალს გახსნის. საზეიმო ცერემონიალს ბანკის გენერალური დირექტორი ჟილბერ ი, მთავრობისა და სამთავრობო ორგანოების წარმომადგენლები, ახალი და არსებული კლიენტები და მოწვეული სტუმრები დაესწრნენ.

"საქართველოს ბანკი" მომხმარებელს იპოთეკურ და ავტოსესხებს ლარში სთავაზობს. როგორც ბრიფინგზე "საქართველოს ბანკის" გენერალურმა დირექტორმა ირაკლი გილაურმა განაცხადა, ლარში გაცემული სესხით სარგებლობა მომხმარებელს საშუალებას მისცემს, ვალუტის კურსთა სხვაობით გამოწვეული რისკი თავიდან აიცილოს.

კომპანია "PSP"-ს ფარმაცევტული საწარმო "ჯი-ემ-პის" მიერ წარმოებული მედიკამენტების ექსპორტიდან შემოსულმა თანხამ 2010 წლის იანვრის მონაცემებით, ნახევარ მილიონ დოლარს გადააჭარბა. როგორც "პირWელს" კომპანია "PSP"-ში განუცხადეს, ეს მაჩვენებელი იმის პროგნოზირების შესაძლებლობას იძლევა, რომ 2010 წლის ექპორტის მოცულობა მნიშვნელოვნად გაიზრდება და სავარაუდოდ, წინა წელთან შედარებით, გაორმაგდება.